IF

కవిత

- డా|| ఎన్‌. గోపి

రైతుకు ఱట లుండవు.
విత్తనాలు మోసం చెయ్యకపోతే,
ఆకాశం
ఒక్క చుక్కైనా రాల్చక పోతే
ఈ వాక్యాలకు అర్థంపర్థం ఉండదు.

ధాన్యం ఇంటికి వస్తే
వస్తే గిస్తే
అది కవిత్వంలా హాయిగా ఉండదు.
ఎదురు చూపుల్లో ఉన్న ఆశ
సాగనంపటాల్లో కనపడదు.
చాకిరి మాత్రమే అతనిది
చెమటబొట్లు మాత్రమే రాల్చగలడు
కాలంగాని కాలం వచ్చేసింది.
సూర్యుడు ఇవాళ
అపరిచితుడైనాడు
చీకటి ఇప్పుడు
వెలుతురుగా మారదు
ఆ ఇంటిలోంచి
ఏడ్పులు వినపడుతున్నాయి.
ఫలానావారు
బాధ్యత వహించరు
విశ్లేషణలచేసే
సంక్లిష్టవాక్యాల్లోంచి
ఱట ను పీకి పారెయ్యాలి.