సాహిత్య ప్రస్థానం అక్టోబర్‌ 2017

సాహిత్య ప్రస్థానం అక్టోబర్‌ 2017

సాహిత్య ప్రస్థానం అక్టోబర్‌ 2017

ఈ సంచికలో ...

  • రంగుల ప్రపంచం (కథ)
  • మోహన్‌ జ్ఞాపకాలలో
  • ప్రపంచీకరణ చట్రంలో నేతన్న
  • సామాజిక పోరాటంలో సమగ్ర దృష్టి
  • వెన్నెలమ్మ జాతకం (కథ)
  • తెలుగు సాహిత్య విమర్శ - వర్తమానం
  • వర్తమాన మానవ జీవన ప్రతిబింబాలు
  • సామాజిక, భావుకత్వ పరిమళం భగ్వాన్‌ కవిత్వం
  • నిర్భయంగా ఉద్యమించడం అవసరం
  • ఎవరో... ఏ ఊరో.. (కథ)
  • రావాల్సిన సమయానికే వచ్చిన సాహిత్య ప్రస్థానం
     

వ్యక్తిత్వం

డా|| ఎన్‌. గోపి

బుద్ధ్ధిమంతుడనే పేరు నాకొద్దు
తలవంచుకొని పోతాడని
వీధులు కొనియాడే మెప్పులు నాకొద్దు
ఎవరి తెరువూ పోనివాడు
ఎవరి బరువునూ దించలేడనే
జీవన సత్యం తెలుసుకున్నాను.
వెదురుబద్దలా వొంగుతాను గాని
విల్లుగా మారి
అన్యాయకులపై ఎక్కుపెడతాను.

సుదీర్ఘ నిశ్శబ్దంలో

పాయల మురళీ క ష్ణ    
9441026977     

సుప్తావస్థ మీద                                             
చన్నీళ్ళు చిలకరించిన  మట్టివత్తాల చేతులు                                       
హరిత శ్వాసల్ని పసుపుతో   ముద్దగా నూరి                                   
ముఖానికి జీవాన్ని నింపేవి ...    
ఏ సుదీర్ఘ నిశ్శబ్దానికి                             
ఎన్నెన్ని పెదవులు కారణమౌతాయో....   
అనుకోనివేళ                              
వెళ్ళిపోయిన సన్నాయి మేళాన్ని      
మళ్ళీమళ్ళీ ధ్వనించే  తోరణాల దారులకి దూరంగా
ఒంటరి గది తెరుచుకునే పుస్తకమయ్యింది

ప్రపంచీకరణ చట్రంలో 'నేతన్న'

నీలం వెంకటేశ్వర్లు
9502411149


అది మేక వన్నె పులి అని గ్రహించేలోపే మన ఇంటిని, మన వృత్తులను చివరకు మనల్ని కూడా ఛిన్నాభిన్నం చేసేసింది. ఆ మేకతోలు కప్పుకున్న పులి 'ప్రపంచీకరణ'. ఈ ప్రపంచీకరణ పదం సాంఘిక శాస్త్రాలలో 1960లలోనే ఉపయోగించబడింది. అయితే ఆర్థికవేత్తలచే 1980 నుండి అది మరింత వ్యాప్తిలోకి వచ్చింది. చార్లెస్‌ రుస్సేల్‌ అనే ఒక అమెరికన్‌ వ్యాపారవేత్త 1987లో ప్రపంచీకరణను 'వాణిజ్య భూతాలు' అని వ్యాఖ్యానించాడంటే ప్రపంచీకరణ స్వరూపం ఎలాంటిదో అర్థం చేసుకోవచ్చు.

ఇవాళ మనం అడక్కుండానే మన ఇంటిని చక్కదిద్దటానికే అంటూ మన నట్టింట్లోకి అడుగు పెట్టింది. అది మేక వన్నె పులి అని గ్రహించేలోపే మన ఇంటిని, మన వృత్తులను చివరకు మనల్ని కూడా ఛిన్నాభిన్నం చేసేసింది. ఆ మేకతోలు కప్పుకున్న పులి 'ప్రపంచీకరణ'. ఈ ప్రపంచీకరణ పదం సాంఘిక శాస్త్రాలలో 1960లలోనే ఉపయోగించబడింది. అయితే ఆర్థికవేత్తలచే 1980 నుండి అది మరింత వ్యాప్తిలోకి వచ్చింది. చార్లెస్‌ రుస్సేల్‌ అనే ఒక అమెరికన్‌ వ్యాపారవేత్త 1987లో ప్రపంచీకరణను 'వాణిజ్య భూతాలు' అని వ్యాఖ్యానించాడంటే ప్రపంచీకరణ స్వరూపం ఎలాంటిదో అర్థం చేసుకోవచ్చు.

దేశం నాదే

అడిగోపుల వెంకటరత్నమ్‌
9848252946

శ్రమకు జ్వలించిన రక్తం
ఘర్మజలంగా మారింది
కడవల్తో కొలిచి
త్రాసుల్తో తూచి
ఒక నాణెం మజూరి విసిరి
వందనాణేలు జవిరి
అందలమెక్కి వూరేగుతూ ఒకడు
శరీరం నాదే
నా స్వేదం నాది కాదు !
మతం మత్తు మందంటూ
సాగిన నా ప్రచారం
మానవాళి మస్తిష్కాల్లో
చిరుదీపం వెలిగించాక
పెనుదీపమై
ప్రమాదముందని మూఢులు
నా పై దండయాత్ర
ప్రచారం నాదే
నాది దుష్ప్రచారం కాదు !

వెంట పడనీయకు

ఎస్‌.ఆర్‌.పృథ్వి
9989223245

భయపడే
బ్రతుకు యాత్రలోంచి
మృత్యు కుహరంలోకి జారిపోవడం
ధ్యానమనే నిశ్శబ్ద గానాన్ని వీడి
చావు కేకల నడుమ బంధీ కావడం
భయం, మనిషిని బ్రతకనీయదు
మనసును పిడికిట బిగించి
జీవజాలాన్ని పిండుతుంది
మెదడునంటిన
ప్రశాంత పరిమళ వాయువుల్ని తోడి
ప్రశ్నల విహంగమౌతుంది
భయం వలలో చిక్కుబడితే
భవిత దారులన్నీ చీకటిమయం
అనుమానాలన్నీ ఏకమై
చెట్టంత మనిషిని నేలకూలుస్తుంది
ఒక్కసారి భయం, వెంటపడితే
ధైర్యపు అణువులన్నీ చల్లబడతాయి

తెలుగు సాహిత్య విమర్శ - వర్తమానం

డాక్టర్‌ తన్నీరు కళ్యాణ్‌ కుమార్‌
9490776385

వినోదం అంటే టివీ ఛానళ్ళు -ఇంటర్‌ నెట్‌లు, విజ్ఞానం అంటే మార్కులు అనే ధోరణితో ముందుకు సాగుతున్న ప్రస్తుత తరుణంలో, మాత భాషలో విద్యా బోధన-సంభాషణ,  భాషాభిమానం మ గ్యమవుతున్న విపత్కర తరుణంలో కూడా తెలుగు సాహిత్యంలోని వివిధ ప్రక్రియల్లో సాహిత్య స జన చేస్తున్న నేటి రచయితలు, రచయిత్రులు అభినందనీయులు. ఈ రచయితలు తమ రచనలతో సాహిత్యాన్ని ప్రేమించే పాఠకులు ఇంకా ఉన్నారనే ధైర్యాన్ని ఇస్తున్నారు. అంతేకాదు అనేక మంది భావి రచయితలకు సైతం వీరు స్ఫూర్తినిస్తున్నారు. దిన, వార, మాస పత్రికల్లో కూడా చక్కని రచనలు వెలువడుతున్నాయి. తెలుగు సాహిత్య ప్రక్రియల్లో కొన్ని ప్రక్రియల్లో అధికంగాను, మరికొన్ని ప్రక్రియల్లో కొంత తక్కువగాను రచనలు నేడు వెలువడుతున్నాయి. సాహిత్యం పట్ల ఆసక్తి తగ్గుతున్న నేటి వేగవంతమైన కాలంలో కూడా విస్త తంగా తెలుగు సాహిత్య రచనలు వెలువడుతుండటం ఒక శుభపరిణామంగానే చెప్పాలి.

నిర్భయంగా ఉద్యమించడం అవసరం

- నందనారెడ్డి

సెప్టెంబరు 5 సాయంత్రం బెంగుళూరులో జరిగిన హత్య గౌరీ లంకేశ్‌ విధినిర్వహణలో కాంగ్రెస్‌ ప్రభుత్వ అసమర్థతను, బీజేపీ రాజకీయ ప్రణాళికలను ప్రస్ఫుటం చేసింది. 2015లో ధార్వాడ్లో జరిగిన కల్బుర్గీ హత్యకు, సెప్టెంబరులో బెంగళూరులో జరిగిన గౌరీ హత్యకు సంబంధం ఉన్నట్టు బెంగుళూరు పోలీసులు అనుమానిస్తున్నారు. హతులిద్దరూ దామపక్ష రాజకీయాలను విమర్శిస్తున్నవారే! ఇద్దరినీ వారి నివాసాలలోనే గుర్తు తెలియని వ్యక్తులు మోటారు సైకిళ్ళమీద వచ్చి, దగ్గరగా కాల్పులు జరిపిహత్య చేశారు. 2015లో కొల్హాపూర్లో జరిగిన గోవిందపన్సారె హత్యకు, 2013లో పూణేలో జరిగిన నరేంద్రదభోల్కర్‌ హత్యకు గూడా సామ్యం ఉన్నట్టు గుర్తించారు. పన్సారె, కల్బుర్గీ హత్యలకు ఉపయోగించిన తుపాకీ గూడా ఒకటేనని నిర్ధారించారు. తరువాత ఆ తుపాకీ పోలీసులకు దొరికింది. పన్సారె హత్యకు ఉపయోగించిన రెండవ తుపాకి దభోల్కర్‌, కల్బుర్గీ, గౌరీ హత్యలకు గూడా ఉపయోగించినట్టు తెలుస్తున్నది. అంటే ఈ నాలుగు హత్యలకు సంబంధం ఉన్న విషయం స్పష్టమవుతున్నది.