కథా రచయిత బి పి కరుణాకర్‌ కన్ను మూత

నివాళి

- ప్రొ. ఎండ్లూరి సుధాకర్‌ 8500192771

ప్రముఖ కథా రచయిత బి పి కరుణాకర్‌ (76) జూలై 20న హైదరాబాద్‌ బాచుపల్లి లోని ూూ+ ఆసుపత్రి లో మరణించారు. అంతకుముందు మూడు రోజుల కింద నుంచి ఆయన ఊపిరి తీసుకోడంలో ఇబ్బంది పడుతున్నారు. ఆయన గుండె జబ్బుతో బాధ పడుతున్నారు. బై పాస్‌ సర్జరీ జరిగింది. ఈ మధ్యనే రెండు స్టంట్లు కూడా వేశారు. హఠాత్తుగా అనారోగ్యంపాలు కావడంతో చిన్న కూతురు ఆసుపత్రిలో చేరిపించారు. ఆయనను వెంటిలేటర్స్‌ మీద పెట్టారు. మత్యువుతో తీవ్రంగా పోరాడి తుది శ్వాస విడిచారు.
బండారు ప్రసాద్‌ కరుణాకర్‌ గారికి ఇద్దరు కూతుళ్ళు. పెద్ద కూతురు అమెరికాలో ఉంటుంది, చిన్న కూతురు హైదరాబాద్‌ సంగారెడ్డిలో ఉంటుంది. ఆయన భార్య పేరు హేమలత, 23 ఏళ్ల కిందటే ఆవిడ కన్ను మూసింది. హైదరాబాద్‌లోని విద్యా నగర్‌ లోని అనురాగ్‌ సదన్‌ అపార్టమెంట్‌లో ఉండేవారు. కరోనా కారణంగా చిన్న కూతురు జోనా విజయ ప్రియ ఆయన బాగోగులు చూసుకోడానికి తండ్రిని తన ఇంట్లో పెట్టుకుంది. అంతా బావుంది అని అనుకున్న సమయంలో ఆయనకు గుండెపోటు వచ్చింది. మూడు రోజుల కిందటే నేను ఆయనతో చాలా విషయాలు మాట్లాడాను. కరుణాకర్‌ మదుస్వభావి, సరసుడు, సహదయుడు. జీవితాన్ని తేలిగ్గా తీసుకునే మనస్తత్వం కలవాడు. కథలు రాయడంలోనే కాదు, స్నేహితులకి కథలు చెప్పడంలో కూడా నేర్పరి. మంచి హాస్య ప్రియుడు. దీనజుూ లో పని చేసిన ఉన్నతాధికారి. వీరి తాతగారు A.జ కిన్సింగర్‌, గుంటూరులోని లూథరన్‌ క్రైస్తవ నాయకులలో ఒకరు, గొప్ప గీత రచయిత.
''ఏసుతో ఠీవి గాను పోదమా! అడ్డుగా వచ్చు వైరి గెల్వను'' లాంటి కీర్తనలు ఆయన రచించారు. ఆంధ్ర క్రైస్తవ కీర్తనల గ్రంధంలో ఆయన పాటలు లభిస్తాయి.
కరుణాకర్‌ అమెరికాలో ఉండే పెద్దమ్మాయి జయశ్రీ మనోరమ దగ్గరికి వెళ్లొచ్చినప్పుడల్లా సెంట్‌ సీసాలతోనూ, షివాస్‌ రీగల్స్‌ తోనూ, కొత్త ఇంగ్షీషు కథా సంపుటాలతోనూ వచ్చేవాడు. వాటిని మిత్రులతో ఆత్మీయంగా పంచుకునే వాడు. చిన్న కథ రాయడంలో కరుణాకర్‌ ది అందె వేసిన చేయి. ఆయన కథల్లోని కొసమెరుపు చివరి దాకా ఉత్కంఠను కలిగిస్తుంది. ఓ హెన్రీ, గైడీ మపాసా, చలం, బుచ్చి బాబులంటే ఇష్టపడే వాడు. 'అంబాలిస్‌', 'నిర్నిమిత్తం', 'రెల్లు', 'డియర్‌' వంటి కథా సంపుటాలను తీసుకొచ్చారు. ఆయన కథలు హిందీ లోనూ, ఇంగ్షీషులోనూ కన్నడ భాషల్లోనూ అనువాదాలు అయ్యాయి.
ఆయన కథల మీద నా పర్యవేక్షణలోనూ, ప్రొ. జి. యోహన్‌ బాబు, ఆంధ్ర విశ్వవిద్యాలయం, మరికొందరి నేతత్వంలోనూ పరిశోధనలు జరిగాయి. విశేషమేమిటంటే సుప్రసిద్ధ కథా రచయిత ప్రొ. కొలకలూరి ఇనాక్‌, ఏసీ కాలేజ్‌ లో ట్యూటర్‌ గా ఉన్నప్పుడు కరుణాకర్‌ ఆయన విద్యార్ధి. ఎందరో మిత్రుల్ని కుటుంబ బంధువుల్ని ఒంటరి వాళ్ళని చేసి కరుణాకర్‌ వెళ్లిపోయాడు. ఆయన చిన్న కథలు సంపాదించి చదవడమే ఆయనకి మనమిచ్చే పెద్ద నివాళి.