అవార్డు స్వీకరించడం లేదు

తెలకపల్లి రవి
పత్రికారంగంలో చేసిన కృషికిగానూ ఆంధ్రప్రదేశ్‌ రాష్ట్ర ప్రభుత్వం తనకు ప్రకటించిన వైఎస్‌ఆర్‌ లైఫ్‌టైమ్‌ అచీవ్‌మెంట్‌ అవార్డును తాను స్వీకరించటం లేదని ప్రముఖ పత్రికా రచయిత, రాజకీయ సామాజిక విశ్లేషకులు, సాహితీ ప్రస్థానం గౌరవ సంపాదకులు తెలకపల్లి రవి పేర్కొన్నారు. ఈమేరకు ఆయన మీడియాకు ఒక ప్రకటన విడుదల చేశారు.''నాకు ఆంధ్రప్రదేశ్‌ ప్రభుత్వం ప్రకటించిన వైఎస్‌ఆర్‌ లైఫ్‌టైమ్‌ అచీవ్‌మెంట్‌ అవార్డును తీసుకోరాదని నిర్ణయించుకున్నాను. ఈనాడున్న వివాదాస్పద రాజకీయ మీడియా, సోషల్‌ మీడియా వాతావరణంలో ఈ అవార్డును స్వీకరిండం లేదని తెలియజేస్తున్నాను. ఈ పురస్కార ప్రకటన ద్వారా నా పట్ల్ల గౌరవాదరణ ప్రదర్శించిన ప్రభుత్వం, కమిటీ మిత్రులకు, అభినందనలు తెల్పిన ఎందరో స్నేహితులు, శ్రేయాభిలాషులకు ధన్యవాదాలు.'' అని ఆయన పేర్కొన్నారు.