సాహిత్య వ్యాస రచన పోటీలు

తెనుగులెంక తుమ్మల సీతారామమూర్తి రచనలు - సామాజిక సందేశం అనే అంశంపై రాష్ట్రస్థాయి వ్యాస రచన పోటీలు నిర్వహిస్తున్నట్లు చీరాల - కళాంజలి సంస్థ అధ్యక్షులు కాకరపర్తి వెంకటేశ్వర్లు ఒక ప్రకటనలో తెలిపారు. పోటీలో ఎవరైనా పాల్గొనవచ్చునని, పది పేజీలకు మించకుండా (అచ్చులో 5 పేజీలు) వ్యాసం రాసి డిసెంబర్‌ 15వ తేదీలోపు పంపించవలసిందిగా కోరారు. కాకరపర్తి వెంకటేశ్వర్లు, కళాంజలి, ముత్యాలపేట వీధి, చీరాల - 523155, ప్రకాశం జిల్లా చిరునామాకు పంపించవలసిందిగా కోరారు. హామీపత్రం, పాస్‌పోర్టు సైజు ఫొటో, పూర్తి చిరునామా, ఫోన్‌ నెంబరు జతచేసి పంపవలసిందిగా కోరారు. 2018 జనవరిలో 'తుమ్మలవారి జయంతి సభలో విజేతలకు రూ. 5000, 3000, 2000ల చొప్పున నగదు బహుమతులు అందజేయనున్నట్లు నిర్వాహకులు ఆ ప్రకటనలో తెలిపారు. ఇతర వివరాలకు 9290005263, 9848039080 ద్వారా సంప్రదించవచ్చును.