కొమ్మవరపు విల్సన్‌ రావు కవితా సంపుటికి పురస్కారం

పల్లా నరసింహులు స్మారకార్థం ఏర్పాటుచేసిన  పల్లా జాతీయ కవితా పురస్కారం 2018 'దేవుడు తప్పిపోయాడు' కవితా సంపుటికి గాను కొమ్మవరపు విల్సన్‌రావుకు లభించిందని యువ సాహితి వ్యవస్థాపక అధ్యక్షులుడా|| పల్లా కృష్ణ ఒక ప్రకటనలో తెలిపారు. ఈ పురస్కారానికి  ఆంధ్రప్రదేశ్‌, తెలంగాణ, కర్ణాటక రాష్ట్రాలనుండి 23 కవితాసంపుటాలు వచ్చాయని తెలిపారు. జూన్‌ 6 న  కడప జిల్లాలోని ప్రొద్దుటూరులో  శ్రీ చౌడేశ్వరిదేవి  కల్యాణమండపంలో జరిగే సాహితీ సదస్సులో ప్రముఖ కవులు నరాల రామారెడ్డి, డా.ఉమ్మడి శెట్టి రాధేయ,డా. ఎన్‌. రామచంద్ర, తెలుగు రక్షణ వేదిక జాతీయ అధ్యక్షులు పొట్లూరి హరికష్ణ, యోగి వేమన విశ్వవిద్యాలయం అసిస్టెంట్‌  ప్రొఫెసర్‌ డా. ఎన్‌. ఈశ్వర రెడ్డి, డా. కొమ్మిశెట్టి మోహన్‌ సమక్షంలో యువ సాహితి వ్యవస్థాపక అధ్యక్షులు డాక్టర్‌ పల్లా క ష్ణ ఈ పురస్కారంతో కొమ్మవరపు విల్సన్‌ రావుని 5116 రూపాయల నగదు బహుమతితో పాటు మెమెంటో శాలువాతో సత్కరించనున్నట్లు తెలిపారు.