దార్ల అబ్బాయి పేరున హైదరాబాద్‌ విశ్వవిద్యాలయంలో గోల్డ్‌మెడల్‌

ప్రముఖ సంఘసంస్కర్త కీ.శే. దార్ల అబ్బాయి గారు తూర్పుగోదావరి జిల్లా, చెయ్యేరు అగ్రహారంలో జన్మించారు.తన అసలు పేరు 'లంకయ్య' అయినప్పటికీ ఊరులో వాళ్ళంతా 'దార్ల అబ్బాయి' అని పిలిచేవారు. ఊరందరికీ తలలో నాలుకలా ఉండేవాడు.  దానితో 'అబ్బాయి' అనే పేరే స్థిరపడిపోయింది. దార్ల అబ్బాయి నిరక్షరాస్యుడైనప్పటికీ,తన కుటుంబాన్ని ఉన్నత చదువులు చదివించి తన గ్రామానికి ఆదర్శంగా నిలిపారు. తన గ్రామంతో పాటు చుట్టుపక్కల గ్రామాల వారికీ ఆదర్శంగా నిలిచి, నిరక్షరాస్యత, అంటరానితనం నిర్మూలనకు విశేషంగా క షిచేశారు. బాల్యవివాహాల వల్ల జరిగే అనర్థాలను వివరించి, బాల్య వివాహాల్ని మానిపించారు. దళితులు మద్యపానం, పొగత్రాగడం వంటి వాటివల్ల సమాజంలో చిన్నచూపుచూస్తారని, వాటిని మాన్పించడానికి ఎంతగానో పాటుపడ్డారు. డా||బి.ఆర్‌.అంబేద్కర్‌, డా||బాబూ జగజ్జీవన్‌ రామ్‌ ల జయంతి, వర్ధంతుల సందర్భంగా ప్రజల్ని ఉత్తేజితుల్ని చేసే ప్రసంగాలు చేసేవారు. దళితుల్ని సమైక్యపరచడానికీ, వారిని చైతన్యవంతుల్ని చేయడానికి ఈ కార్యక్రమాల్ని చక్కటి మార్గంగా మలుచుకునేవారు. వారి శ్రీమతి పెదనాగమ్మ కూడా భర్తకు ఎంతగానో తన సహకారాన్ని అందించేవారు. గ్రామీణప్రాంతాల్లో స్త్రీ ప్రసూతి కార్యక్రమాల్లో ఈమె తన సహాయ సహకారాల్ని అందించేవారు. దేవాలయ నిర్మాణాలకు తమ వంతు సహాయాన్ని చేసేవారు. భారతదేశం స్వాతంత్య్రం సాధించేనాటికి పదేళ్ళప్రాయం. అంటే ఈయన 1937 ప్రాంతంలో జన్మించారు. స్వాతంత్య్రోద్యమంలో భాగంగా పాఠశాలలు మూసేసారనీ, గాంధీజీ పిలుపుమేరకు   ఆ చిన్న వయసులోనే క్విట్‌ ఇండియా ఉద్యమంలో పాల్గొన్నారని  ఆ ఊరి ప్రజలు చెప్తారు. ఆయన మార్చి 30, 2009 న పరమపదించారు. నేటికీ ఆయన స్ఫూర్తి కొనసాగుతూనేఉంది. దార్ల అబ్బాయి, శ్రీమతి పెదనాగమ్మగార్ల పేరుతో ప్రతి యేడాదీ ఒక గోల్డ్‌ మెడల్‌ (గోల్డ్‌ కోటెడ్‌, సిల్వర్‌ ప్లేట్‌)ని తెలుగుశాఖ, హైదరాబాదు విశ్వవిద్యాలయం, హైదరాబాదులో ఎం.ఏ., తెలుగు చదువుతున్న విద్యార్థులకు ఇవ్వాలని ట్రస్టు కోరికను యూనివర్సిటి ఆఫ్‌ హైదరాబాదు వారు పరిశీలించి, అంగీకరించారు. ప్రతి యేడాదీ ఒక గోల్డ్‌ మెడల్‌ ని ఎం.ఏ., తెలుగు లో భారతీయ సాహిత్య శాస్త్రం (Iఅసఱaఅ ూశీవ్‌ఱషర), సాహిత్య విమర్శ (ూతీఱఅషఱజూశ్రీవర శీట కూఱ్‌వతీaతీవ జతీఱ్‌ఱషఱరఎ) సబ్జెక్టులను చదివేవారిలో అత్యధిక మార్కులు సాధించిన విద్యార్థికి ఇవ్వడానికి అకడమిక్‌ కౌన్సిల్‌ ఆమోదం తెలిపింది.  ఈ యేడాది నుండి బంగారు పతకాన్ని ఇస్తున్నట్లు 2018-19 ప్రవేశప్రకటన ప్రాస్పెక్టస్‌ (గోల్డ్‌ మెడల్‌ సీరియల్‌ నెం: 46) ప్రకటించింది. ఈయన పేరుతో బంగారుపతకాన్ని ప్రకటించడానికి అంగీకరించినందుకు, ప్రజల్లో ఆయన స్ఫూర్తిని, చైతన్యాన్ని నిరంతరం గుర్తు చేసుకొనే అవకాశం కల్పించడం అరుదైన అవకాశంగా భావిస్తున్నాం. విశ్వవిద్యాలయం అధికారులకు ధన్యవాదాలు.- ఆచార్య దార్ల వెంకటేశ్వరరావు(రచయిత- దార్ల అబ్బాయి, శ్రీమతి పెదనాగమ్మ మెమోరియల్‌ ట్రస్టు  చైర్మన్‌)