కర్నూలులో సంక్రాంతి రైతుకవనం

సాహితీస్రవంతి ఆధ్వర్యంలో ప్రతిఏడు సంక్రాంతికి నిర్వహించే కవి సమ్మేళనం రైతుకవనం. సామాజికసమస్యలు రైతుకష్టాలు, కన్నీళ్ళే వేదికగా కొనసాగుతున్నదని సాహితీస్రవంతి రాష్ట్రకార్యదర్శి జంధ్యాల రఘుబాబు అన్నారు. జనవరి 14న  కర్నూలు నగరంలోని రాజవిహర్‌ సమీపంలోని ఆర్కే కలర్‌ ల్యాబ్‌ పైన అమృత సైకాలజికల్‌ కౌన్సిలింగ్‌ సెంటర్‌లో రైతు సమస్యలు, సంక్రాంతి విశిష్టతపై జరిగిన రైతుకవనానికి హాజరై సందేశమిచ్చారు. గౌరవ అతిథిగా హాజరైన ప్రముఖ నవలా రచయిత యస్‌డివి అజీజ్‌, ప్రముఖ సైకాలజిస్టు డా.పెద్దిగారి లక్ష్మన్న,  సాహితీస్రవంతి జిల్లానాయకులు సుబ్బన్న, మహేశ్వరయ్యలు సందేశాలిచ్చారు. రైతు కవనంలో యువకవి బిడి హర్ష(కర్నూలు), చక్రపాణి(కర్నూలు), డా.రాజారెడ్డి(దిన్నెదేవరపాడు), నిసార్‌ అహ్మద్‌(కర్నూలు), సవ్వప్పగారి ఈరన్న(పత్తికొండ), సయ్యద్‌ జహీర్‌ అహ్మద్‌(కర్నూలు), గౌరెడ్డిహరిశ్చంద్రారెడ్డి(కర్నూలు), కృష్ణమూర్తి(కర్నూలు),  ప్రమోద్‌ చక్రవర్తి(కర్నూలు), సుకన్య(నందికొట్కూరు), సుధాకర్‌(ఎమ్మిగనూర్‌), బిడి సుధీర్‌ రాజులు రైతు సమస్యలపై గళాలను వినిపించారు.