చందమామ పదాలు

జోల పాటలు జచ్చె
గోల పాటలు వచ్చె
పాల గుండెను గుచ్చె
ఓ చంద మామ !
ఓటు వేటన వారు
కూటి బాటన వీరు
పాటులేకనె పోరుఓ చందమామ !
స్వార్థ యావయె జోరు
అర్థ యావతో పోరు
శుద్ద బుద్దులు వేరు
ఓ చందమామ !
కూలి డొక్కలు నిండ
మాలి కొట్టులు నిండు
కూలి మాలికి ఫండు
ఓ చందమామ !
గద్దె పెద్దకు ముద్దు
ముద్ద పేదకు రద్దు
వృద్ధి ఉపాధి కద్దు
ఓ చంద మామ !
మనసు నంటిన తప్పు
యినుము నంటిన తుప్పు
తనువు తూట్లగుజెప్పు
ఓ చంద మామ !